Psa 23 | KYG | STEP | Vaya'mogimo sipisipile'mo yagai'a ne'apataya kava huno Ala kava ne'mo'a yagaino ne'nateyanage'na mago yafe'mo alagi kafu osuguve.

Psalms 23

Sipisipile'mo ne'yagaige'a alagepa hu'a ne'maiya gemae

1 Vaya'mogimo sipisipile'mo yagai'a ne'apataya kava huno Ala kava ne'mo'a yagaino ne'nateyanage'na mago yafe'mo alagi kafu osuguve. 2 Agaemo sipisipi anaga'mogimo muki hegafatalili kahaumo ne'naya yategamo alino havaeno ne'nate. Uno hogoteteno navalelino age no'aiya ani haigi'ale ani haigi'ale'mo ne'viye. 3 Nagupi mafa'nemo'mo halate alino alagepa huno ne'ate. Agaemo agi'alefe'mo fatago kava'mo hisuvafe'mo alu kate alu kate'mo navalelino ne'viye. 4 He, nagaemo u'na kago'mufilagamo falisuva ulunapi'mo fale'na hai'na umenitata nehugekae'mo nagae'e'mo magokepi lokaeka mai'nana'mofe'mo muki alu hosu kava alu hosu kavafe'mo alagi koli osuguve. Kayokaleti'mo nagufamo alika katika natege aino kalagifa hayopa kayokaleti'mo yagaika natege nehukae'mo naipamo alika falu huka ne'natane. 5 Kagaemo kame vaya'nimogi apaulagale'mo ne'ya'nimo ali'na nesuvafe'mo hipa'nile'mo naulagale'mo ne'malane. Kagaemo nagenopafi'mo uvelimo lakika faleka ne'natane. Ani'mo kapu'nifi'mo alika laki'nanageno lamino havai teteno aino vali nelamiye. 6 Ma mopafi'mo maime maime ne'visugeno'ae'mo alagepa ya'mo nakame nakame huno alino namige namige huno maiteno hau huno nategaiye. Hutesige'na Ala kava ne'mo no'afi'mo muki afina'mo hai'na maige maige hu'na maiguve.